搞基

又講下"糟殃"：

查實"糟殃"對我o黎係講係一個幾特別的人, 自畢業後, 同學各散西東, 一直踫不到一個同我一樣鐘意又懂舞臺表演及電影的人而"糟殃"就是少數同我志趣相投的人。

另外, 佢真係一個勁温柔的人。這半年來, 在我老品的高壓統治及恐佈襲擊下, 來來去去請了回來又離職的同事, 都有成廿人, 這些人有兩種, 一是怕了老品, 馬上 Resign, 二是同老品日日"撑到恆", 爭取基本尊重的人。

而"糟殃"的特別之處, 就是與老品據理力爭時, 從來都是心平氣和, 勇敢得o黎絕不衝動, 處處散發出成熟而温柔的大將之風, 搞到我特別鐘意同佢吹水食飯。

但可借的是, 佢好似見緊其他工, 自己當堂有種依依不捨的感覺, 果種感覺真係有 D 似搞基

搞笑名字

早排, 公司請左件新同事, 佢叫阿Joe, 姓翁o既, 所以又稱"糟殃"

其實我身邊的人名字都好奇怪, 比方說:

我弟弟, 叫 Michael, 姓馮o既, Microphone 是也

我妹妹, 叫 Eva, 姓馮o既, Ear phone 是也

小弟, 以前叫 Terry, 姓馮o既, Telephone 是也

我個客, 佢父母一定不懂廣東話, 因佢叫黄久鴻, 無錯, 係狗熊

我在大陸的一個下屬, 佢叫 Mike, 姓周, 我地叫佢"咪走"

我第二個上司, 男人老狗叫陳偉, 一來同我亞洲小姐同音, 二來, 响公司做大佬, 自然被人叫"偉哥"

以上名字, 全部屬實

李小龍

李小龍截拳道有云:
"以無法為有法,
以無限為有限,
此乃武術最高境界"

真係好有道理, 用在人際關係上都通:
"以無限脾氣挑戰人有限的忍耐,
以無限苦毒挑戰人有限的包容,
此乃使人討壓的最高境界"

死亡筆記2大疑團

劇情:
最後, L 偷走海砂的 Note, 比雷姆更快寫上自己的死期, 從而逃過阿月及雷姆的致命一擊。

疑團:
Note 的擁有權不是 L 的 (擁有權是海砂的, Note 是從海砂那裡偷來的), L 在上面寫上自己的死期真的有用嗎?