辛苦十ニ小時下

這十二小時真正辛苦的原因是體力。當晚搞來搞去, 我成4:00方可入眠, 第二日要10:00在深圳機場上機, 就是說9:00 check in, 7:30要過完關, 6:30出門口, 6:00一定要瞓醒, 得兩粒鐘瞓仲要無早餐食 !!!

本來我都安慰自己, 上機後都有兩粒鐘瞓, 點知可怕的是: 架飛機竟然壞冷氣,

你要知道架機起飛後是在雲層上, 直接曬住個太陽, 真係熱到趴街, 所以奉勸各位一句: 千萬唔好踏南方航空

你話好瞓成o甘, 有乜計唔辛苦呀 !!!

辛苦12小時中

中篇只是對事件的看法:

其實嘈的目的始至終都只係上睡過夠。就算無打都好, 同人嘈完真係可好好睡嗎? 何況以現在的結果, 兩家人有排無覺可睡罷?

相同的關門聲同樣有把我吵醒, 但結果迴異, 世人又何苦只聽到憤怒的聲音而忘記愛與情呢?

辛苦12小時上

上部的辛苦來自心理上的不被認同:

話說昨晚清晨, 鄰居兩家人因關門聲太大而打架 (都唔係第一次), 打到拿刀斬人 (只係水果刀),我作為正義的朋友, 自然打 999 報警 .....

點知, 我媽說我多管閒事, 自找麻煩; 我阿爸仲衰, 佢細個在廣州時, 也試過鄰居打架, 仲幫人擋左刀, 但佢現在竟然要我不要多事, 各家自掃門前雪!!!

不過最憤怒的是樓下個保安。打架時只在旁睇戲, 俾我快過佢報警都算, 佢仲響樓下用討厭的目光話我害佢要寫報告 !!! 大姐呀, 有刀, 有人流血, 阿 Sir 仲 call 上臺話 4 人重傷, 報警慢 D 都死人呀 !!!

不論其他人是否認同, 我都堅持大丈夫有所為, 有所不為 !!!